Почитувани, љубезно Ве молам, ако можете да ми одговорите или дадете совет во врска со овој Закон: на ден 28.3.2011 година имам поднесено жалба до Комисијата на Владата на Република Македонија за решавање во управна постапка од втор степен од областа на имотно-правните работи, до денес немам добиено решение. Информиран сум дека Комисиите на Владата на Република Македонија со донесувањето на ЗАКОНОТ ЗА ОСНОВАЊЕ НА ДРЖАВНА КОМИСИЈА ЗА ОДЛУЧУВАЊЕ ВО УПРАВНА ПОСТАПКА И ПОСТАПКА ОД РАБОТЕН ОДНОС ВО ВТОР СТЕПЕН, веќе денес се укинати и дека според наведениот Закон (чл 11., став 1.) започнатите постапки ќе завршат од страна на комисиите во рок од шест месеци од денот на влегување во сила на овој Закон (рок кој веќе е истекнат - октомври 2011 година). Како што горе напомнав решение од комисијата немам а предметите наводно се предадени на Државната комисија, која според горе наведениот Закон, нема законска основа да разгледува а одлучува за предмети поднесени до комисиите пред октомври 2011 година, додека не се изврши измена во Законот за државната комисија. Ве молам да ми одговорите дали тоа е точно, и според вашето мислење од кого и кога ќе добијам решение врз основа на мојата жалба поднесена на решението донесено од Одделението за имотно правни работи - Одделение за првостепена управна постапка. За вашиот одговор однапред Ви благодарам.